حبة ظروف تتر مسلسل السيدة الأولى

كلمات تتر مسلسل السيدة الأولى

أداء المطربة السورية : أصالة

حبّة ظروف اتجمّعت على شكل واحدة قلبها مجروح
حبّت تعيش بين البشر ... ملقتش بينهم أي باب مفتوح 
كل اللي جاي جايب وَجع ... ياخد مكانه فرحها ويروح 
ومن النهاردة يا روح ... ما في بعدك روح 

ويا عيني على لفّ السنين ... بتهدّ مين وتعلّي مين على التاني
شرّ الحليم مش من مفيش
وهعيش لمين ... لو مش هعيش علشاني
حِرماني من كل الحاجات ... والخوف في قلبي لمّا زاد قوّاني 
كل شيء بأوانه ... والنهاردة أواني

أسرار في قلبي لا تتكتم ولا تتحكي ولا يفهموها الناس 
بس اللي لازم يتعِرف ... كُتر الألم بيموّت الإحساس
مش كل ماضي بنعشقه ... في ماضي لازم يتنسي ويتداس
وكفاية إنه اتعاش ... في وقت مناسبناش

ويا عيني على لفّ السنين ... بتهدّ مين وتعلّي مين على التاني
شرّ الحليم مش من مفيش
وهعيش لمين ... لو مش هعيش علشاني
حِرماني من كل الحاجات ... والخوف في قلبي لمّا زاد قوّاني 
كل شيء بأوانه ... والنهاردة أواني

الأغنية من أداء المطربة السورية : أصالة
كلمات : مؤمن سالم 

ألحان وتوزيع الموسيقار محمد رحيم